Drive By Truckers, Alabamako boskotearen rock and roll dotorea aztergai Gaubasa irratsaioan, Blessing on a Curse zazpigarren lan luzea aurkeztu dutela profitatuz. Bilboko Kafe Antzokian dugu hitzordua martxoaren 23an. Drive By Truckers, Hegoaldeko rocka, hamar urte luze bidean, berrehun kontzertu baino gehiago urtean. Hasierako country disko biak, zuzenekoa ondoren, Southern Rock Opera egitasmo potoloa disko bikoitzean, Decoration Day eta 2004ko Dirty South goraipatua. Monografiko honen hasieran Patti Smithek Bob Dylanen Like a Rolling Stone (Dabilen harria bezala) kantu puska lehenengoz entzutean sentitu zuen zirrara azaldu digu Anartz Bilbaok grabazio eder eta hunkigarri batean.
Gaubasa-ren azken irratsaioa deskargatu nahi baduzu, klikatu HEMEN.