Hauteskundeak pasa ondoren, hainbatek EH Bilduk Gipuzkoan izan duen boto galera zaborren kontuekin lotu dute. Iñaki Barcenaren ustez litekeena da, baina beste faktore batzuk ere izan direla dio. Edozein kasutan, Barcenak Gipuzkoak eta Bizkaiak duten (edo izan duten) zaborren inguruko politikak aztertu ditu: argi geratu da bere esanetan Gipuzkoan Bizkaian baino askoz gehiago birziklatzen dutela.
Zendu berri den Emile Larreren bizitza emankorra aipatzen hasi du Ipar Euskal Herriko kronika Irulegiko Irratiko kazetari den Pantzo Hirigaraik, baigorriar apez euskaltzale eta euskaltzaina hil baita 89 urterekin, bizitza osoa euskaraz eta euskararengatik eman ostean. Besteak beste Herria astekariaren zuzendaria izan zen, bertsozale, gai-emaile pilotazalea eta, gazte denboran pilotaria […]
