Lutxo Egia idazleak hilabete espainieraz mintzatu gabe igarotzeko “esperimentua” abian jarri zuen hilaren 11an, Bilboko Goienkalen egindako performance batekin hasi zen bere ramadan edo baraualdi linguistikoa eta dagoeneko hainbat pasadizu bizi behar izan ditu bere hautua irmotasunez jarraitzeagatik. Egunero idazten du blog bat BERRIAn, eta aurrera jarraitzen du, nahiz eta batzuetan kanpotartzat hartu. Horiek eta gehiago kontatu dizkigu Lutxok berak gaur gure estudioan egindako elkarrizketan.
Pantzo Hirigarairen azken mintzoa dugu gaurko hau, aurtengo ikasturteari dagokionez bederen, Irulegiko Irratiko lagunak udako plangintzan murgilduko baitira aurrerantzean. Eta egun, “Bizi” txirringa martxakideen gorabeherak, Nepaleko lurrikarengatik kaltetutakoen aldeko kanpaina eta Baigorriko postetxearen egoera berria, aipatu dizkigu Pantzo lagunak. https://www.bilbohiria.com/docs/podcast/solasaldiak/150623solaspantzoirigarai.mp3 Deskargatu hemen