Ohi bezala, Agus Perez antzerki adituak antzerkiaren eta dantzaren agenda ekarri digu. Arriagan egondako “Invernadero” lana aztertzen hasi da, gaur leku berean egongo den “Aúreo” dantza emanaldiarekin jarraitzeko. Gero, urriaren zehar, besteak beste, Sol Picó Leioan, “Koca Kola eta barea” Pabellon 6 aretoan, BAD jaialdia Bilbon, eta “Kreditua” Durangon eta Arriagan izango dira.
Espainiarentzat hispanitatearen eguna dena beste askorentzat herri indigenen erresistentzia eguna den moduan, datorren astean Askapenari Madrilen egingo zaion epaiketari buelta eman eta Espainiar estatua bera epaitu dute hainbat lekutan, Askapenaren aldeko ekimenetan dabiltzanek. Lurrek kontatu digunez, Gaur eguerdirako “Herri libreen martxa” deitu dute “Gora herriak” lelopean. Hitzordua Iruñeko Antoniutti parkean izango da […]
