Gero eta gehiago, hegazti gripea izeneko gaitza hedatzen ari da Ipar Euskal Herriko hegaztien artean eta kezka areagotzen ari da, batez ere bertakoak baizik ez diren zenbait espezie arriskuan direlako. Horrez gain, Irulegiko irratiko gure kolaboratzaile Pantzo Hirigaraik beste gai batzuk jorratu ditu: Hendaiako Intxura auzoan uholdeen aurka hartutako neurriak eta gaur hasiko dela FIPA ikus-entzunezko festibala Miarritzen.
Belako talde mungiarrak Hamen disko berria aurkeztu du gaur eguerdian Bilboko Kafe Antzokian. Taldearen bigarren diskoa ostiralean kaleratuko da eta bere aurkezpenak jakinmin handia piztu du kazetarien artean. Izan ere, 2013an Eurie bilduma argitaratu zutenetik oihartzun handia izan dute, bitarte honetan, besteak beste, Musikaren saria, Ojo Crítico saria eta Rolling […]