Luze eta sakon mintzatu gara gaur Ongi Etorri Errefuxiatuak Bizkaiko Plataformako kide dugun Nati Ovelleirarekin. Gauza ugari kontatu digu berak elkarrizketa honetan: plataforma noiz, nola eta zergatik sortu zuten plataforma azaldu digu, lehenbizi. Eurena herri mugimendua dela adierazi digu gero —ehun bat lagun biltzen omen dira beren batzar irekietan— eta benetan anizkuna dela, alderdi eta joera askotako elkarteak eta norbanakoak biltzen omen baitira, arazo larri honi irtenbideren bat eman nahian. Arduradun eta agintari politikoen pasibitatea eta ekimenik eza salatu du Natik segidan. Bilboko Udalak, esaterako, ukatu egin zien apirilaren 23an hiriko Moyua plazan egin nahi zuten 24 orduko kanpaldia, “oinezkoen pasabide oso erabilia” dela argudiaturik. Baina, horren gainetik eta azpitik ere, hainbat herritar Bilbon eta beste herri askotan errefuxiatuekik0 egiten ari diren lan ederra azpimarratu du Natik, elkartasuna adierazteko moduak gogoratzeaz batera.
Honekin lotuak
-
2012/10/22
PIPERPOLIS: Barrura begiratzeko leihok
-
2014/07/09
ERREPORTAJEA: Oporrak euskaraz?
-
2013/06/13
IBAIZABAL: Argia astekaria (2373. zenbakia)