Asteburu honetarako proposamen berezia HERRI URRATS. Ibilbidea egitera Garobel mendilerrorantz abiatuko gara, Txarlazogainara hain zuzen (Urduña). Horrekin batera, betiko lez, errezeta (zaizuriak pikillo piper eta hegaluzearekin), liburua (Onintze Goitizen “Amaia udalekuetan”), diskoa (Niña Coyote eta Chico Tornado) eta agenda jorratuko ditugu.
Astero legez, Argia astekariari begira jarri gara. Ohiko dugun moduan Lander Arbelaitz Argiako kazetaria izan dugu bide lagun. Eduki guztietatik hiru aipatu dizkigu. Lehenengoa azalean ageri dena ekarri du, Lorena Cabnal indigena feminista Maya elkarrizketatu baitute. Bestetik Kongoko errepublikan dagoen gatazkaren inguruan erreportajea. Bukatzeko Jurramendin 1976an geratutakoren inguruko erreportajea dakar […]
