Gernikako bonbardaketaren ostean zutik iraun zuen eraikin apurretako bat izan zen eta urte luzetan arma lantegi moduan erabili zen. Gero, krisiak jo zuenean, ordea, itxi egin zuten eta hutsik gelditu zen. Duela hamabi bat urte herriko gazte batzuek bertan behera lagatako lantegia okupatu eta herri mugimenduaren laguntzaz eta autoeraketaren bidetik bigarren bizitza bat eman zioten Astra lantegi zaharrari, herritar guztien zerbitzuan jarriz. Horrela sortu zuten Astra, kulturarako fabrika soziala, beraiek esaten dutenez. Hamar urte igaro dira Astrak bere ateak zabaldu zituenez geroztik eta gaur egun Gernikako 40 bat taldek bertan gauzatzen dituzte beren jarduerak. Gainera, Astrak kultura eskaintza zabala plazaratzen du hilero. Hizpidea magazinean Astra kulturguneko eragile taldeko kide den Joana Olabarriari beren proiektuaren historia, oinarri filosofikoak, ezaugarriak eta erronkak adierazteko eskatu diogu.
Deskargatzeko klikatu hemen.