«Katalunia zuzenbide estatu aske, burujabe, demokratikoa sozial eta ekologikoa izango da eta errepublika parte-hartzaile gisa eratuko da». Halaxe dio Constituim izeneko taldearen inguruan bildu diren adituek prestatu duten konstituzio egitasmoaren zirriborroak. Aditu horiek oso aintzat hartu dituzte Interneten bidez herritarrengandik jaso dituzten 3.400 ekarpenak Kataluniako konstituzioa osatuko luketen 148 artikuluak idazteko orduan. Behetik gorako egituraketa politikoa proposatzen du testuak, udalerri eta eskualde mailatik hasi eta Generalitat eguneratu bateraino iritsiko litzatekeena, bost urterik behin hautatutako presidentea buru izanik. Katalana izango litzateke hizkuntza ofiziala, eta gaztelaniak status berezia izango luke, Kataluniako ondare kulturala ere baden alderditik. Kataluniako Biltzar Nazionalaren Euskal Herriko Batzordearen kide den Fermí Rubiraltak era guztietako xehetasunak eman dizkigu gaurko saioan katalanen konstituzio egitasmo interesgarri honetaz.
Deskagartu hemen.
