Mallabiko kantariak plazaratu berri duen lana izan du hizpide Rafa Ruedak. Kantariaren lanak 13 abesti biltzen ditu, euskaraz, gaztelaniaz eta ingelesez. Azken urteetan euskal musikak izan duen fenomenorik nabarmena dela aipatu digu. Kantu naturalak dira Izarok lehen disko honetan bildu dituenak.
Argia astekariko erredakziotik Lander Arbelaitz kazetariak astekariak dakarrenaren berri eman digu. Aste honetan hizkuntza eskubideen protokoloa ekarri dute azalera, Hizkuntza Eskubideak Bermatzeko Protokoloaren bultzatzaileak Donostia 2016 Europako Kultur Hiriburua eta Kontseilua dira. Protokoloa ez dute paper hutsean geratzeko landu, etorkizunerako tresna izatea da nahia. Gizarte eragileek proposatu dituzte protokoloaren nondik-norakoak, […]
