Gaurkoan Ula Iruretagoiena arkitektoak hiria antolatzeko plana zer den azaldu digu. Hiria Antolatzeko Plan Orokorra dokumentu tekniko bat da, non hiriaren hiri-eredua zehazten eta arautzen den. Une honetan, Bilbokoa berrikuste fasean dago, indarrean dagoen dokumentua 1995.ean idatzi baitzen. Bilboko Plan Orokorraren proposamenaren zertzelada batzuk aipatuko dizkigu. Bilbo zein motatako hiria izango den zehazten duen dokumentu bat. Hiri eredua definitzen du, maila estrategikoan, eta datozen urteetan Bilbon egin beharreko eraikuntza eraldaketak identifikatzen ditu. Non gertatuko diren eta zer behar dauden. Ez dira proiektuen zehaztasunik esaten, hori planaren garapenean egiten den landa da. Hiri baten azterketa konplexua da, bizikidetzarako testuingurua ari garelako ikertzen. Lehenik, gai batzuetan banatzen da ikerketa-esparrua, gerturatze modu bezala. Honakoak definitu dira Bilboren kasuan: ingurune fisikoa, mugikortasuna, aktibitate ekonomikoak, etxebizitza, ekipamenduak, gune berdeak, ondarearen babespena, generoa, klima aldaketa. Atal hauen zehaztapena oso garrantzitsua da. Eragin Linguistikoaren Ebaluazioa ELE; hazkuntza baten hizkuntza-kaltea, falta da, adibidez.
Deskargatu hemen.
