Larunbat eguerdian, Bilbo Hiria auzoz auzo ekimenaren baitan, zuzeneko saioa egingo dugu Abusu auzotik, 12:00etatik 14:00etara. Bi orduko saioan, Bilboko Zamakola kalea eta Arrigorriagako Ollargan auzoaren artean kokatuta dagoen auzoa ondo ezagutzen lagunduko diguten hainbat lagun izango ditugu gurekin. Auzoaren historia eta bilakaera ezagutuko ditugu Enriqueta Sesmero historialariarekin eta, ura eta burdinaren artean kokatutako Abusu auzoaren izaera ulertzeko gakoak eskainiko dizkigu. IES Ibaizabal institutuko Txomin irakaslea Auzoz auzo saio berezian bidelagun izango dugu eta berak aurkeztuko digu 1983ko uholdeen ostean sortutako Ibaider parkea. Auzoaren bihotza da hau, berdegunea, Ibaizabal auzotik urruntzeko egindako lanen ondoriozkoa, eta bertan ikastetxeek eginiko lana ekarriko digu Txominek. Auzoko irakurle egitasmoaz berba egingo dugu Arrigorriagako liburutegiko arduradunekin. Abusuko jai batzordeak eta Bolintxu kultur elkarteak ere parte hartuko dute. Abusu sarean ekimena ezagutuko dugu Zamakolako eskolako lagunen bitartez eta Iñaki Gaminde hizkuntzalariarekin Bilboko euskara aztertuko dugu.
Honekin lotuak
-
2021/03/15
Webgune berria, zuzeneko jario berria