Martxoan Euskaraz Bizi eguna ospatu zuten Arrasaten, Euskal Herrian Euskaraz taldeak antolatuta. Taldeak gogoeta egin du azken hilabeteotan, hamarkadatako lana etorkizunera eramateko. Horiek izan ditugu hizpidea Azaitze Gartziarekin. Gogoeta horietatik atera da “Euskal herria euskaldunari ateak ireki” dokumentua. Euskara agendaren erdigunera ekartzeko helburua du Euskal Herrian euskaraz elkarteak eta horretarako ekintzak aurrera eramatea proposatzen dute.
Duela aste batzuk Berbaroa ekimena ezagutu genuen Iñigo Retolaza eta Eleder Aurtenetxerekin. Kalitatezko elkarrizketak bultzatzearen asmoarekin, elkarrizketen kulturaz hausnartzeko ekimen berria jarri dute martxan. Apirilaren I-bilerak lehenengo urratsak egiten zituen Iparraldean (Berbarorako i-bilerak, #BiBilerak) . Eragile anitzekin elkartu eta haietako bakoitzak aukeratutako bazterretan gidatutako ibilalditxoetan “i-bilduko” dira proiektua zabaltzen eta bisitakoaren […]
