Nazio askatasunaren aldeko borroka desberdinen lekukotasunak bildu dituzte Komite Internazionalistek eta gaurik igandera bitartean entzungai izango dira Bilboko Zirika Herri Gunean. Arratsaldeko 19:00ean hasiko dituzte jardunaldiak Callum McRaek kazetariaren testigantzarekin. Azken urteetan Sri Lankan egiten ari diren “genozidioa” gertutik ezagutzen du McRaekek. Astean zehar Zirika Herri Gunean herrialde ezberdinetatik etorritako pertsona eta erakundeek parte hartuko dute: Eskozia, Ipar Irlanda, Tamil Eelam, Kurdistan, Palestina, Mendebaldeko Sahara, Katalunia eta Euskal Herritik. Jardunaldietan askapen sozialerako borrokak eta nazio askapen prozesuen inguruko eztabaidak eta hausnarketak izango dira.
Deskargatu hemen.