Roy Orbisonek 1964an argitaratutako kanta dugu Oh, Pretty Woman, bere hit handiena izango zena, kalean behera pasatzen ikusi duen neska eder bati buruzko kanta erromantikoa. Bera bezain bakarrik ote dagoen galdetzen du Orbisonek bere ahots melankoniatsu ezaugarriarekin. Bigarren dizdiraldia izan zuen kantak 1990ean izen bereko filmaren soinu bandan doinu nagusi moduan sartu ondoren eta, hurrengo urtean, Orbisonek Grammy saria irabazi zuen Roy Orbison and Friends, A Black and White Night saiorako egindako zuzeneko bertsioagatik. Gaurko bertsiolarien artean The Holy Sisters Of The Gaga Dada, Al Green, The New Breed, Manolo Muñoz eta Van Halen izan ditugu.
Deskargatu hemen.