Gaur bertan 17.000 pertsonatik gora hilko dira gosez munduan. Edota Euskal Herriko populazioaren herena eta Europar Batasuneko biztanleriaren laurdena pobreziaren mugaren azpitik bizi da. Datu hauek plazaratu ditu Elkartzen plataformak pobreziaren kontrako nazioarteko egunaren harira kaleratu duen txostenak. Aipatutako eguna, pobreziaren kontrako nazioarteko eguna, gaur da, urriaren 17a.
Honi buruz hitz egiteko, Iker Aroztegi, plataformako kidea dugu hemen.
Erritmoz betetako antzezlana dakar Bilboko Arriaga Antzokira Tanttaka Konpainiak. Amildegian dauden hiru pertsonaia erakusten dituen obra da bera, “Izoztutako Haizea bezala”. Rafael Herreroren kontakizunean oinarrituta, antzerkia eta dantzaren uztarketa proposatzen digute oholtzara igoko diren Nerea Elizalde, Tania Fornieles eta Koldo Olabarrik Fernando Bernuésen zuzendaritzapean.Taniak ekarri dizkigu obraren zehetasunak. Hitzordua, urriaren 18an, […]
