Abuztuaren 20an, asteazkenarekin, Bad Sound taldea arituko da zuzenean Algara konpartsaren txosnan. Taldeko kide Stepirekin aritu gara solasean eta kontzertuaren nondik-norakoak ere kontatu dizkigu. Betiko abestiak jotzeaz gain, abesti berriak ere joko dituztela kontatu digu. Bad Sound 2003. urtean Irunen sortutako musika taldea da; eta estiloari dagokionez, reggae, dancehall eta ragga estiloen arteko nahasteka egiten dute. Stepik azaldu digunez, taldearen hastapenetatik beti saiatu dira Bilboko Aste Nagusira hurbiltzen, hasieran era inprobisatu eta prekarioan bazen ere. ALGARAkoa “ezinbesteko gaua” izango dela agindu digu Irungo musikariak.
Deskargatu hemen.
