Futbola eta zientzia harremanetan jarri dituzte EHUk Bizkaia Aretoan antolatu dituen Futbola, zientzia laborategia jardunaldietan. Urriaren 1ean hasi eta azaroaren 21era arte bi arlo hauek, itxuraz desbedinek, duten harremana aztertuko dute.Orain arte egindako hitzaldietan jorratutako gaiak anitzak izan dira; Jose Manuel Lopez Nicolasek azken Munduko Txapelketan Espainiako selekzioa kanporatuta utzi zuten gakoak aztertu zituen. Kiko Llaneras, aldiz, estatistikak futbolean duen presentziaz aritu zen. Datozen hiru hitzaldiak azaroan izango dira, eta hauekin emango zaie amaiera jardunaldiei. Lehenengoa, azaroaren 5ean izango da. Ciencia de datos y fútbol; predicción del riesgo de lesiones en el deporte profesional izenburupean, Dae-Jin Lee Ingenieritza matematikan doktorea bioestatistikaren bitartez lesioen prebentzioaz arituko da. Honen ondoren, azaroaren 14ean Aitor Bergara fisikan doktorea izango da Golaren legeak hitzaldia ematen. Bertan, fisikaren eta futbolaren arteko lotura estuak azalduko ditu.
Jardunaldiei amaiera emateko, azaroaren 21ean Jarduera Fisikoaren eta Kirolaren Zientzietan doktore den Aduna Badiola izango da. Berak Contenido de entrenamiento y condición física en mujeres futbolistas de élite hitzaldia eskainiko du. Entrenamendu-programak eta partiden egutegiak errendimendu fisikoan duten eragina aztertuko du.
Deskargatu hemen.