Josu Bergara musikariak “Etxe honetan” gabon kantaren bideoa aurkeztu du. Eako herritarren laguntzaz abestu eta osatu dute abestia. Asunak azken diskoan grabatu zuen kantua eta izugarria izan da azken egunetan zenbat zabaldu den gabon kanta. Bihar Bira kulturgunean zuzenean arituko da eta gaurkoan irratian izan da. Abeslari bizkaitarraren konposizio berri honen jatorria bazkalostean kantatzeko ohituran dago. Bergararen esanetan, bere etxean betidanik izan dute bazkalostean edo afalostean kantatzeko ohitura hori eta omenaldi gisa abesti hau idatzi zuen. Gabon kanta “Asunak” (Taupaka elkartea, 2018) bere azken diskoan argitaratu izan da eta grabaketa gauzatzeko “Akorde txikiak” bandaren laguntza izateaz gain, Gaizka Peñafiel trikitilaria, Eduardo Aretxabaleta txistularia eta Naroa Gaintza abeslariaren parte-hartzea izan du. Gainera, abestian Eako kantu-poteoko taldeko kideak ere abestu dute.
Deskargatu hemen.