Inauteriak iragarriko dituen kartela ezagutzera eman dute gaur. Otsailaren 28tik martxoaren 5era bitartean aratusteak ospatuko dira Bilbon. Ohikoa den moduan horiek iragartzeko kartel lehiaketaren irabazlea José Ángel Ligero Martinezena izan da, “Sardinita disfrazada” lanagatik. Beste behin ere, herritarren parte-hartzea erabakigarria izan da behin betiko aukeraketan, 4.139 boto erregistratu baitira. Kartel irabazlearen hautaketa bi fasetan egin da. Lehenik eta behin, epaimahaiak (Jai Batzorde Mistoko zenbait ordezkarik eta diseinuaren eta kulturaren munduko pertsonek osatutakoak) sei kartel finalista hautatu zituen aurkeztutako 83 lanen artean (kopuru horrek iaz aurkeztutako diseinuena bikoizten du).
Deskargatu hemen.
