Oraingo hau ez da lehen aldia Zientzialari saioan geologiaz dihardugula, baina guk egin ditzakegun ahalegin guztiak ez dira, noski, nahikoa izango garrantzi handiko zientzia hau ezagutzera emateko. Planeta bakarra dugu lurtarrok bizitzeko, eta behar bezala zainduko badugu, gauza gehiago jakin behar dugu gutako gehienok Lurraren osaeraz eta egituraz. Horixe da, besteak beste, geologiak ematen digun informazioa. Gaurkoan ibilaldi bikoitz bat egingo dugu geologian barrena. Iranzu Guederen eskutik, geologiaren zenbait gai orokor landuko dugu, batetik, eta, bestetik, gero Euskal Herrira etorriko gara gure ingurune geologikoa hobetoxe ezagutzera.
Iaz doktoratu zen geologian Iranzu Laura Guede, UPV/EHUko Mineralogia eta Petrologia sailean “Ipar Iberiar penintsulako Erdi Aroko biztanleriaren paleodieta eta mugikortasunaren ikerketa geokimikoa” izena duen tesiarekin. (Argazkia: Wikipedia).
Deskargatu hemen.