Ostegunean irrati saio berezia egingo dugu elkarlanean Bizkaia Irratiak, Bilbo Hiria irratiak eta Uriolak. 12:00etatik 15:00etara Korrikaren Bilboko ibilbidea zuzenean jarraituko dugu, auzorik auzo. Korrika nondik dabilen eta auzora noiz iritsiko den jakiteko modurik onena gure emankizuna entzutea izango duzu. 11:48tan sartuko da Zorrotzatik korrika, lehenengo kilometroak zuzenean biziko ditugu bertatik bertara. Zorrotzatik Errekaldeko bidea hartuko du, Irala, Miribilla, Bilbo Zaharra zeharkatu ostean Abusura iritsiko da. Handik Txurdinaga, Otxarkoaga, Santutxu, Begoña eta Uribarritik igaro ostean, Bilboko Udaletxera heldu eta Zazpi kaletan barna joango da lasterketa. Plaza biribilean Bilboko euskalgintzak hartuko du lekukoa eta bertatik bertara bizko dugu unea. Abando eta Indautxu zeharkatu ostean Deusturako bidea hartu eta 15:52etan Elorrietatik aterako da. Korrikalariak eta lekuko eramaileen hitzak jasoko ditugu. Tartean ekonomisten elkargoko presidentearekin berba egingo dugu, Aldapan gora jai batzordeko kideekin, 7 katu gaztetxeko korrikalariekin, Pa…ya Konpartsarekin, AEK-ko arduradunekin, Unean unean korrika non dagoen emango dugu FMaren 96.0 eta Interneten entzun ahal izango duzue.
Korrikaren ibilbidea zuzenean jarraitzeko saio berezia ostegunean
