Gaurko egunez 1908an jaio zen Simone de Beauvoir idazle, filosofo eta feminista frantziarra. Goi-burgesiako familia tradizional batean hezia izan zen arren, 15 urte betetzerako fedea galdua zuen eta inguruko guztia zalantzan jartzen hasia zen. Adin hartan jarri zitzaion idazle izateko grina. Batiz bat, gai politiko, sozial eta filosofikoei buruz idatzi zuen eta haren lanetan tradizio eta konformismoarekiko hausnarketa kritikoa islatzen da.
Lehengo saio batean Ekofeminismoaz jardun genuen eta, gaurkoan, emakumeek naturaren eta bizitzaren defentsan duten rol garrantzitsuaz arituko gara. Ekologistak Martxan taldeak eta beste hainbat taldek martxoan antolatutako Ekozinemaldiaren XIII. edizioaren baitan, Vidalina Morales, Silvia Federici eta beste hainbat emakume ekintzaile Bilborock aretoan bildu zituen jardunaldi historikoaren harira, Pikara aldizkari feministako […]
