Caostica-k, Nazioarteko Film Labur eta Bideoklipen Jaialdiaren 10.edizioa dakarkigu Bilbora eta zortzi egunez arazo sozialen inguruko hausnarketa mahaigaineratuko du, zinearen eta bestelako diziplina artistikoen bitartez. Ostiralean hasi eta hurrengo larunbatera arte iraungo du jaialdiak eta zortzi ikuskizun ikusteko aukera egongo da zeinetatik bi astelehenean izango diren eta beraz igandean ez da bat bera ere egongo. Astelehenean, otsailaren 3an, esan bezala bi ekitaldi eskainiko dituzte, biak Bilborocken; lehena arratsaldeko 7etan izango da, “La musica de las ideas” izeneko solasaldia egongo da Fair Saturday mugimenduko Itziar Rubio, Anesvadeko Paula Paunero eta Sergio Feferovich musikari argentinarraren eskutik. Iaz Euskal Museoko patioan piano-joleak eskaini zuen emanaldiaren inguruan mintzatuko dira eta baita Anesvade-k giza garapenerako prozesuan egiten duen lanaren inguruan.
Deskargatu hemen.
