Larrabetzuko Anguleri Kultur Etxean interpretazio zentro bat estreinatu dute, Memoriaren Espazioa izenarekin. Larrabetzu Burdin Hesiaren alboan kokatuta dago, zehazki bertatik apurtu zuten faxistek defentsa lerroa. Historiaren une horretako hainbat oroimen aurkitu daitezke bertan. Memoria historikoa gordetzeko nahiarekin 2017an hasi zen proiektua eta otsailean ireki ditu ateak. Gai honen inguruan sakontzeko Iñigo Gaztelurekin, Larrabetzuko alkatearekin, hitz egin dugu.
Eibar dugu zain berriro ere, baina gaurkoan kontu lazgarriak salatzeko aitzakian. Ia hilabete da Zaldibarreko zabortegian utzikeriak eragindako lurjausi-istripua izan zela, eta gogorarazteko zein salatzeko helburuz, ZALDIBAR ARGITU! taldeko kideek Eibarreko Untzaga plazan bertso-jaialdia antolatu zuten otsailaren 27an. Bertan izan ziren kantuan Unai Iturriaga, Nerea Ibarzabal eta Ane Zuazubizkar bertsolariak. […]
