Uribe kostako berri eman digu Unai Break Hiru aldizkariko kazetariak. Gaur bertan Algorta izandako leherketaren inguruko xehetasunak ekarri dizkigu. Astekarian landutako gai batzuk ekarri dizkigu. 2019ko Emakunde Saria Cony Carranza herri-hezitzaile feministak jaso du, berarekin izandako solasaldia laburbildu dugu. Metodologia emantzipatzaileetan eta ekonomia feministan aditua, esperientzia luzea du El Salvadorren lanean, baita Euskal Herrian ere. Egoera ahulenetan dauden emakume migratuekin egindako lana aitortu gura izan diote sari horrekin, baita aurrera eramandako prozesu dinamikoak nabarmendu ere. Azken hamarkadetan ekonomian izandako gorabeherek eta kontsumo-ohituren bilakabideak ondorio txarrak izan dituzte herrietako merkatari txikientzat. Horren inguruko erreportajea landu dute eskualdeko merkatari txikiekin.
Deskargatu hemen.
