Gaurkoa bezalako egun batez, egin zuen Martin Luther King-ek Vietnamgo gerraren aurkako aldarria. 1967ko apirilaren 4a zen. Amerikako Estatu Batuetako afro-amerikarren eskubide zibilen aldeko ekintzaile garrantzitsuena zen ordurako Martin Luther King Jr. predikari baptista, 1964an Bakearen Nobel Saria eskuratutakoa. Egun hartan bere diskurtsorik garrantzitsuenetakoa eman zuen New Yorkeko Riverside elizan, historiarako geratu den salaketa ozena egin zuen: Milaka lagunen aurrean AEBen inperialismoaren atzean zegoen arrazakeria salatu eta, beraz, herrialde barruko arrazakeriarekin zeukan lotura ere salatu zuen Beyond Vietnam (Vietnam-ez harago) izeneko diskurtsoan. Egun berean, baina urtebete geroago, 1968ko apirilaren 4an, hil zuten King, Memphis-en (Tennesee).
Deskargatu hemen.
