Bakaikuko Etxea Zenbat Gara kultura elkarteak sortu zuen 1990ean, hau da duela 30 urte ireki zituen ateak. Bertan Gabriel Aresti euskaltegiak barnetegiak egiten ditu, astebetez edo bi astez eta egunean 24 orduz euskaraz bizi delako ikaslea ingurune eta giro euskaldun batean. Barnetegiak euskaraz bizitzeko aukera eskaintzen die ikasleei, baina, era berean, ikasleek bizia ematen diote herriari. Nafarroako sakana eskualdean kokatuta dago Bakaiku, Burunda haranean. Gu bertan izan gara eta bertako ikasle-irakasleekin mintzatu gara. Bakaikuar batzuekin ere solastu gara eta, haien testigantzak biltzen, barnetegiak herrian duen garrantzia handiaz jabetu gara.
Deskargatu hemen.
