Hasteko New York-etik ekarri ditugu doinu trinko eta ilunak pandemia garaiotarako. Bambara taldeak Stray izeneko diskoa kaleratu berri du, eta garai hauekin bat datozen artegatasun eta desorekaren barrenetik abesten digute. Hurrengoak gure gaurko zerrendan The Black Keys bikoteak euren azken diskokarekin: Brothers. Ohioko taldearen eskutik zapore modernoa duten oinarri klasikodun abesti parea. Hurrengoak Mihise, Usurbiletik datorren talde berria. Grabazio sorta bat kaleratu berri dute Kronik@ izenarekin, zeina “kroniko” edo “kronika” irakurri baitaitekeen. Istorio musikalak, garapen joriak. Euren musikan barneratzeko gonbitea ez galdu! Blake Mills gitarra jole birtuosoa da, musikari askorekin lan egin duena. Oraingo honetan bere bakarkako proiektuari heldu dio disko poliedriko batekin Mutable Set. Ale ederrak biltzen ditu grabazio berri honetan. Birtuosismotik guztiz aldenduta eta bihotzera ekarriak. Aurrera gure bidean, Ondarroan sortutako Braulio taldeak egingo digu bisita beste behin ere. Lau abestiko EPa kaleratu berri dute eta bertan abesti biribilak erregistratu dituzte. Gaur horietako bi. Euskal Herrian geldituko gara hurrengo taldea artatzeko. Eibartik dator eta Nor Naiz Izena jarri diote proiektu honi. Naturaltasuna kolpeka.
Deskargatu hemen.