Irati 2018ko martxoaren 8an jaio zen Aranjuezeko espetxean, eta aita eta ama bertan ditu preso oraindik. Urte honetako martxoan, Iratik hiru urte bete ditu eta Espainiar legediak agintzen duen bezala, hiru urte betetzean Irati bere gurasoengandik banatu behar da.
Horregatik, Irati eta bere gurasoen eskubideak bermatzeko, Sarek eta “Irati gurasoekin Euskal Herrira” plataformak ekimen anitz antolatu dituzte datorren larunbatean, Martxoaren 20an, Euskalduna Jauregian. Bertan, hainbat mugimendu sindikal, politiko eta Iratiren antzeko egoeretan dauden haur eta gazteek hartuko dute hitza. Horretaz gain, Porrotx pailazoa eta Sareko Joseba Azkarraga ere egongo dira. Geroago, 12:00etan, ipuin kontalaria eta umeentzako jolasak egongo dira, plazak betetzeko helburuarekin.
Deskargatu hemen.
