Gaur Iñakik negazionismoa eta negazionistak jarri ditu mahai gainean, pandemia dela eta, puri-purian dagoen gaia baita. “Zientifikoki frogatuta dagoen ebidentzia ukatzea” dela dio hiztegiak. Darwinen bilakaeraren teoria ukatzen dute kreazionistek, lurra biribila denik ukatzen dute terraplanistek eta, ekologiaren arloan, klima aldaketa gertatzen ari denik ukatzen dituztenak ere badira. Negazionista peto-petoenak nortzuk dira baina? Koronabirus izurritearekin horiek gaitzezten dira leku guztietatik, baina… berdin gaitzezten ote dira gizartean zientifikoki frogatuta dagoen klima aldaketa eta gainean daukagun hondamendi ekologikoa ukatzen dutenak edo bizitzen ari garen hondamendi sozialak eskatzen duen justizia sozialaren negazionistak?
Deskargatu hemen.
