Gure Bizkai-Gipuzkoetako kostaldean basurdeak ugaldu direlako pentsatu du Josuk gaurko atalari izenburua jartzeko Obelix aipatzea. Izan ere, dexente ugaritu dira basurdeak, tradizioz depredatzaile izan dituztenak -otsoak zein ehiztariak- inoiz baino gutxiago izanik, landa-eremuak abandonatuta eta sastrakadi bihurtuta. Hedatzeko joera dute azkenaldion, eta gure kostalde urbanizatuan gero eta ohikoagoak bihurtu dira. Artasoroak eta baratzeak zaintzarik gabeko “autozerbitzu” bihurtu dira haientzat, baina abereentzako utzitako pentsuak eta hiri-hondakinak ere jaten dituzte pakidermo hauek.
Deskargatu hemen.
