Asteartean, apirilaren 13an, hasiko da Bilboko Udalak jarritako kanpaina martxan, dendariek izena eman dezaten. Bonuen erosketa eta trukea maiatzaren 5ean hasi eta ekainaren 30an amaituko da. Berrikuntza nabarmenak ditu aurtengo kanpainiak: alde batetik, bonu gehiago jarriko ditu zirkulazioan, eta bestetik, establezimendu mota berriak gehitu dira, hala nola, irudi pertsonaleko zerbitzuak (ile-apainketa, estetika, masajeak), argazkigintza, garbitegiak eta gimnasioak. Bonuak oraingoan 30 eurokoak izango dira (15 euro Udalak, eta beste 15 erosleak jarritakoak) eta www.bonobilbao.eus webgunearen bidez edo Kutxabanken sarrerak saltzeko eta jasotzeko kutxazainetan eskuratu ahal izango dira. Horrez gain, 65 urtetik gorako pertsonek dendetan bertan erosi ahal izango dituzte bonuak, baliabide digitalak erabiltzen ez dituzten kolektiboengana ere iriste aldera.
Deskargatu hemen
