1937ko apirilaren 26an izan zen Gernikako bonbardaketa. Gerra Zibila abian, Gernikako astelehen hartan, astero legez, azoka eguna zen. Eguerdiko 15:45etan Kondor Legioa eta italiar faxisten hegazkinak heldu, eta hiria erabat suntsitu zuten. Eraikinen % 1a zutik, eta 2000 hildakotik gora izan ziren. Gaur, 84 ute beranduago isilunea eta sirenak izango dira Gernikan urteurrena oroitzeko.
Lau minutuko isilunea egingo dute Gernikan sirenarekin bonbak jausi ziren orduan, arratsaldeko 15.45ean hain zuzen ere. Bi sirena-hotsek zeharkatuko dute isiltasuna; bat Lobak elkarteak piztuko du, Astran, eta bestea, Gernika Batzordeak, Pasialekuan. 20.00etan, ibilbidea egingo dute kandelekin, Foruen Plazatik abiatuta. Isiluneaz gain, 84. urteurrena gogoratzeko solasaldi, aurkezpen, film proiekzio, hitzaldi eta beste ekintza pila bat antolatu dituzte Gernika Memoriaren Lekuko plataforman bildutako herri elkarteek. Gernika Bizirik Baina aurtengo nobedadea, Jon Rementeriak sortutako «Gernika Bizirik» abestia izango da.
Ibon Meñikak, Gernika Batzordeko kideak kontatu digu apirilaren 26ero gogoratzen denak duen garrantzia.
Deskargatu hemen