Larunbatean, Abenduak 18an Bizkaiko Bertsolari finala jokatuko da Bilbao Arenan. Gaur bertan prentsa-urrean agertu dira zortzi finalistak, aurretik txapeldun izandako bi bertsolarik kantatuko dute Onintza Enbeita, eta 2016ko edizioko irabazlea, Etxahun Lekue. Horiekin batera, Aitor Bizkarrak, Jone Uriak, Nerea Ibarzabalek eta Xabat Galletebeitiak ere ezagutzen dute Bizkaiko finala. Aldiz, debuta egingo dute Aitor Etxebarriazarraga eta Gorka Pagonabarraga. Orain artekoetan bezala, zortzi bertsolariek bost ariketa osatu beharko dituzte lehenengo zatian, eta puntu gehien eskuratzen duten biak igaroko dira buruz burukora. Azken zati horretan hiru ariketa egongo dira, ofiziotan bi (zortziko txikian eta sei puntuko motzean) eta kartzelako lana. Arratsalde osoan zehar puntu gehien batu dituenak jantziko du Bizkaiko txapela. Lehenengoz, lagun bik jantziko diote txapela Bizkaiko Bertsolari Txapeldunari: Joseba Etxebarriak eta Moises Enbeitak.
.