Asteburuko atarian datozen egunetan gure inguruan izango ditugun ekitaldien errepasoa egin dugu. Bilboko Zazpi Kaleetan abiatu dugu errepasoa, 7 katu gaztetxean, 15 urte bete ditu eta astebururako hainbat ekintza antolatu ditu. Adin guztietako jendeari irekitako espazioa denez gero, haurren jolasak eta txokolatada antolatu dute gaztetxeko kideek ostiralerako, 17:00etatik aurrera. 19:00etan, berriz, Gaztetxearen aurrealdeko plazatxoan urteurreneko ekitaldi berezia egingo dute, eta ondoren kontzertuen txanda izango da: Iheskide, Memphis eta DJ Ruizza- Larunbatean egun osoko ekitaldiak antolatu dituzte eta Igandean amaituko dute ohikoa den bertso saioarekin. Miren Amuriza, Jone Uria eta Josune Aramendi bertsolarien errimez lagunduta. 18:00etan izango da hori, eta ondoren, 20:00etan, mikro irekia egongo da. Musikaren atalean Bilborock aretora salto egingo dugu gaur ostirala doako kontzertua dugu, bilboko bi talde arituko dira Bilbao Fresh musika jardunaldian baitan, Head Holes + Golden Boys. Larunbatean Nacho Vegas kantariak Getxoko Muxikabarrin disko berria aurkeztuko du.
Deskargatu hemen.
