Orain arte Euskal Herriko Hobi komun handiena aurkitu dute Begoñako hilerri zaharrean, 46 pertsonaren gorpuzkiak topatu dituzte, horietatik 42 desagertuak ziren, gehienak gudariak eta milizianoak. Aranzadi Zientzia Elkarteak iaz jarri zuen martxan Begoñako Argia proiektua, eta hari esker egin dute aurkikuntza. Gerra Zibilaren testuinguruan hildako pertsonen gorpuzkiak Begoñan zirela bazekiten, baina azken asteetan Aranzadi Zientzia Elkarteko arkeologoek garaiko hobi komun handi bat topatu dute, eta haren berririk ez zegoen, dokumentaziorik ez zegoelako. Hilobiak lau atal dauzka, bata bestearen ondoan, eta bertan 46 pertsonaren gorpuzkiak daude, gehienak errepublikaren aldeko soldaduak (gudariak nahiz milizianoak). Material ugari aurkitu da gorpuen ondoan: txanponak, botak, munizioa eta objektu pertsonalak (orraziak, txiskeroak, labanak, botoiak…). Gerrikoen belarriek eta txapek argi erakusten dute 46 pertsona horietatik gutxienez 42 eusko gudariak eta errepublikar milizianoak zirela.
Deskargatu hemen.
One thought on “Gerra zibileko hobi komun handia topatu dute Begoñako hilerrian”