Gaurkoan greenwashing edo “zuriketa berdea” aztertu dugu. Antonio Turielek hitzaldi batean adierazi bezala, negazionismotik negozionismora igaro dira zenbait lagun. Eragile asko hegemoniaren bila ari dira diskurtso ekologikoa beren parametroaren arabera nagusitu dadin. Berri txarrak ekartzen ditu ekologismoak: kontsumokeria, industrialismoa eta produktibismoa jartzen ditu arazo ekologikoen iturri moduan. Baina badira errelatoari buelta eman eta hondamendi ekologikotik negozioa egin nahi duten lagun faltsu eta bizkor batzuk ere. Pinkwashing edo purplewashing fenomenoek, hurrenez hurren, LGTB+ komunitatearen eta feminismoaren aldarrikapenak postureo hutsa bihurtu eta negozioa egiteko erabiltzen duten bezala, greenwashing-a energiaren arloko enpresa kutsagarriek, diskurtso sasiekologista eginez, beren burua berdez margotzen dute kontzientziadun kontsumitzaileak engainatu eta haiekin ere negozioa egiteko.
Deskargatu hemen.