Ekainean aurretik abisurik eman gabe Solokoetxera igotzen zen igogailuak itxi egin zuen. 1935ean inauguratu zen Iturribide kalean Emiliano Amannek diseinatutako igogailua. Zerbitzu publiko honek 87 urtez lotu ditu Solokoetxeko auzo eta Alde Zaharra, ekainean itxi zen arte. Auzoaren garapena XIX. mende amaiera eta XX. mendearen hasieran gertatu zen. Dauden malda handiak direla eta igogailu bat eraiki zen Solokoetxe Bilboko Alde Zaharrarekin elkartzeko. 200 eskailera baino gehiago igo behar ditugu Solokoetxeko auzokideekin berba egiteko. Ekainetik auzokideek oinez edo autobusean igotzeko aukera baino ez dute. Unamuno plazatik Solokoetxera autobus zerbitzua jarri du Udalak, ordu erdiro. Bilboko udalak Erronda kalean igogailu bi jartzeko proiektua aurkeztu zuen. Obra berri horrek 1.875.751,93 euroko gastua ekarriko du, eta 11 hilabete inguru iraungo luke obrak, oraindik lizitatu ez den arren. Denbora guzti horretan zerbitzurik gabe geratu dira auzokideak. Auzokideak kexu dira izan ere auzi historikoa da oraingoa.
Deskargatu hemen.
