Kristonak taldeak disko berri eta gihartsua atera dute. Ahobetehortz izena jarri diote grabazio berriari eta gitarrak ondo asko zorroztu dituzte lan honetarako. Disko rockero honek esnatuko zaitu! Joseba Irazokik disko txiki bat atera berri du, bertan Luka abestiaren bertsio oso pertsonala egin du, besteak beste. Irazokiren pertsonalitatea bor-bor. Diskoaren izena Split. Doneztebetik dator hurrengo taldea. Kurkuma dute izena eta orain gutxi disko indartsu eta elektrikoa kaleratu dute, hori bai, pertsonalitate handikoa. Diskoaren izena Belezidorrean Hör. Tree River taldearen azken diskoa, Time Being, jarri izan dugu saio honetan azken bolada honetan, izan ere disko baikor eta freskoa iruditzen baitzaigu 5 urteren ondoren atera duten hirugarren disko hau. Battle Ave. taldea ere gurean egon da azken saio hauetan, I saw the egg izeneko diskoa da euren azken grabazioa eta bertan abesti atmosferiko eta indartsuak topatzen dira. Eta gaurko saioari amaiera emateko disko “desertiko” bat, Duster du izena taldeak eta Kaliforniatik datoz eta horien azkenekoa da Together. Ahotsak eta soinu barnebilduek ematen diote basamortu ukitu hori, hondarrezko musika.
Deskargatu hemen.