Bihar larunbata, atzerako kontaketarekin batera, Bilbo Hiria irratiak zuzeneko saioa eskainiko du Kale Nagusitik. 12:00etatik 14:00etara aratusteetako protagonistak gure sintonian entzun ahal izango ditugu: Farolin eta Zaranbolas, konpartsak, mozorro lehiaketa…
Inauteriak-Aratusteak-Karnabalak baditugu gurean, Euskal Herrian, Inauteriak iristean kolorez betetzen dira bazter guztiak: mozorro irudimentsuak, tradizio handiko pertsonaiak… sormena, jaia eta tradizioa. Horiek dira, beste hainbeste kontzepturen artean, inauteriek irudikatzen dituzten ezaugarriak. Gipuzkoan, Tolosako inauteriak dira ezagun; Nafarroan, adibidez, Lantzekoak, Lesakakoak eta Altsasuko momotxorroak; Bizkaian, aldiz, Mundakakoak; Araban, Zalduondokoak edota Laudiokoak; Lapurdin, berriz, Uztaritzekoak… Euskal Herriko inauterien lagin txiki bat besterik ez dira horiek, baina guztiek dugu zer ospatua. Hemen duzue entzungai aratusteen ingurukoak.
Deskargatu hemen.