Gazteolan haur eta gazteak euskaraz bizitzeko aukera dute. Klasetik kanpo euskaraz, jolastu, dibertitu, lagunak egin eta bizi daitekeela erakutsiz. Metodo dinamikoak erabiliz, jolas eta proiektu ezberdinak erabiliz eskolako formatutik kanpo euskara indartu eta lantzen dute mintzamenean eta hizkuntzaren alde praktikoan zentratuz, noski alde gramatikala ahaztu gabe. Aste Santu osteko Pazko Asterako eskaintza zabala prestatu dute.
Udaberrian sartu gara, bedatsa edo primadera, Mikel Laboaren ahotsa entzun bitartean, udaberriari egindako aipamen batzuk gogoratu ditugu, loreak, maitasuna, kukua. Udaberriari lotutako irudiak dira, bizitza ernatzen den sasoia baita. Larrosaren koloreetatik abiatu gara Joseba Sarrionandiaren Sorterriko koplak entzunez, baina beste euskal autore batzuk aipatu ditugu halaber: Xabier Lete, Xalbador, Kirmen Uribe, […]
