Denboraldiko azken bala dugu, 2022-2023 akabuko POTTO saioa.
Bederatzi hilabeteko jardunean izan ziren bertso libre eta bideratuen aukeraketa diktatoriala duzue entzungai, buru-belarrien gozagarri, 60 minutuko lagin txikian.
Joan-etorrian aritu gara, egutegiari jarraiki:
Bermeo, Getxo, Itsasu, Ordizia, Etxarri-Aranatz, Irun, Iruñea…
Kantuan: Onintza Enbeita, Jon Maia, Aroa Arrizubieta, Maialen Lujanbio, Nerea Ibartzabal, Andoni Egaña, Haira Aizpurua, Sustrai Colina, Beñat Gaztelumendi…
Gaiztoak izan, urriak elkartuko gaitu.
Deskargatu hemen.
