Julen Gabiria idazle galdakoztarrak Joe Saccoren “Palestina” kazetaritza grafiko liburuaren euskarazko bertsioa aurkeztu du Durangoko Azokan. Saccok 1992an argitaratu zuen kazetaritza edo erreportaje liburua, komikiaren azpigenero horretan gailurretakoa kontsideratzen dena. Iaz Maus eleberri grafiko mitikoa euskaratuta aurkeztu zuen, “eleberri grafikoen Everest-a” moduan kalifikatua izan dena, eta hura bezala, Palestina ere Astiberri argitaletxeak kaleratu du gure hizkuntzan. Arrakasta handia izan du liburuak, seguruenik Palestina egunotan gaurkotasuneko gaia delako. Komikiak euskarara itzultzearen zailtasunez, eta Palestinaren orduko eta egungo egoeraz mintzatu gara, besteak beste, eta aurkezpena bera ere entzun dugu.
Deskargatu hemen.
