Olatz Gorrotxategirena da 43º23’44”N antzerkia eta bihar hasi eta igandean amaituko den Liburu Anarkistaren XVIII. azokan ikusteko aukera izango da. Antzerkia larunbatean iluntzeko 21:00etan egingo du Areatzan bertan izango den karpa batean. Olatzek azaldu digu antzerki dokumentalaren diziplinan sartu daitekeela antzerki hau. Gaineratu digu, aititeren anaiaren desagerpena izan zuela oinarri obra hau osatzerako garaian; hau da, etxean bizitakoa eraman du taulagainera. Antzerkia osatzeko dokumentuak izango ditu bidelagun, eta horietako bat da hil dagoen bere aititerena. Aitortu digu ilusioa egiten diola antzerkia egiteak, bere aititerekin hitz egiteko modu bat delako.
Deskargatu hemen.
