Lautan Hiru antzerki-jaialdiaren zazpigarren edizioa aurkeztu berri dute. Urtero legez, Bilboko Zazpikaleetako euskal giroa suspertu nahi dute antolatzaileek, eta, bide batez, euskal antzerkilariei plaza berriak eskaini beraien lanak erakutsi ditzaten. Aurreko aldietan bezala, lau astez eta ostegunetan egingo da Lautan Hiru: guztira zortzi ekitaldi eskainiko dira, eta Euskal Herriko Antzerkizale Elkartearekin (EHAZE) batera antolatutako Ikusle-klubari ere eutsiko zaio. Iaz antzerkiaren gorputza – gorputzaren antzerkia izan zuen ardatz jaialdiak. Aurten, berriz, gazteek egiten duten antzerkiari erreparatuko dio, “Gazte gara gazte eta ez dugu (zuen) antzerkia maite” lelo zirikatzailea baliatuz. Jaialdiaren xehetasunak ezagutu ditugu eta Ruth Gamera aktorearekin berba egiteko aukera izan dugu.
Deskargatu hemen.
