Argia astekariaren errepasoa egin dugu Gorka Peñagarikano kazetariarekin. Azalean, Franco hil zela 50 urte beteko direla gogoratzen da, azaroaren 20an. Urko Apaolazak artikuluan azaltzen duenez, urteurrena aukera paregabea da espainiar diktadorea oroitzeko: ohean hil zen arren, poltsikoa ondo beteta utzi zuen azken hatsa ematerakoan. Artikulua, bereziki, negozioei buruzkoa da. Bestalde, Saïd Bouamama aljeriar-frantziar soziologoa elkarrizketatu dugu. Bere analisian, Frantziaren kolonialismoa eta arrazakeria aztertu ditu, eta horien lotura egungo politika eta langileriaren joerekin, eskuin muturrera nola jotzen duten barne. Era berean, Beñat Bidegain musikari ondarrutarra elkarrizketatu du Amets Arangurenek. Mahl Kobat izenpean egiten du lan, baita Dena taldearekin ere. Elkarrizketa sakona da, barnera begirakoa, eta osasun emozionalaren inguruko gaiak jorratzen ditu.
Deskargatu hemen.
