Euskal folklorea eta elektronika uztartzen ditu Neomak taldeak. 2021. urtean hasi zuten bidea, eta bigarren lan luzea argitaratu berri dute, “Lazturak Orbain”. Alaitz Eskudero eta Irati Gutierrez taldekideak izan dira gurean, eta beldurrei eta aldaketei egindako albuma dela kontatu digute. Gaineratu dute, oraingo honetan, orbainak ezkutatu beharrean, erakutsi nahi izan dituztela, bizitako eraldaketa hori agerian utziz. Taldeak formari dagokionez, aldaketa izan du. Eta kontzertuetara lan berria ere modu desberdinean eramango dute; izan ere, zuzeneko emanaldietan bi musikari izango dituzte lagun: batetik, Etxahun Urkizu, baterian, eta, bestetik, Eider Villalba, teklatuetan eta ahotsetan.
Deskargatu hemen.
