Ez dakigu Liburuen Errepublika Txikian zenbat garen, ezta egiten dugunak baliorik duen, eta, hala ere, hemen dihardugu, literaturaz gozatzen eta bizitza ospatuz. Mundua, ordea, ilun samar ageri zaigu, gerraz, heriotzaz eta era guztietako miseriaz beterik. Horregatik, zera aldarrikatu nahi dugu: kapitalismoaren atzamar digitalari, izatea eta pentsamendua irudikatzen duen Heideggerren eskua; utilitarismo monetario eta materialistari, alferrikako jarduerak; gizartea lohitzen duen zarata informatiboari, arte eta zientzia desinteresatuenak.
Literaturari buruzko saio izanagatik, zeharo zeharkatzen gaituen afera dugu Hezkuntza, horregatik gogo biziz hartu dugu saio honetako ekarpena: bell hooks-en “Trangresioa irakasgai. Hezkuntza askatasunaren praktika gisa” liburua. Irakurgai arras interesgarria, bizi dugun gizarte kapitalistak prestatu digun lakioan irakasleak erori ez gaitezen: ezer ez da neutrala, dena da politikoa.
Amaitzeko, euskal literaturako zenbait liburu, nazioarteko pare bat filosofo eta stalinismoak isildutako beste idazle bat.
BIZI, IRAKURRI ETA IZAN ZORIONTSU!
Deskargatu hemen.
