Sinkuartel konpartsa antimilitaristako Iñaki batu zaigu saiora. “Ezin dugu ahaztu gu hemen ondo bizi garela beste leku batzuetan gerrak daudelako”. Logika maltzur hori apurtzeko lan egiten du, urte osoan, mugimendu antimilitaristak. https://bilbohiria.com/docs2/2019/AsteNagusia/190822_SinKuartel.mp3 Deskargatu hemen.
Aste Nagusia
Aste Nagusian Bilbo Hiria irratiak zuzeneko emankizun berezia egin du egunez egun, jai eremutik bertatik emitituz.
Komantxe konpartsako Aritz izan dugu bere konpartsaren berri ematen.Autogestioa eta okupazioa dute ardatz, komantxe egunean Euskal Herriko mugimendu ezberdiniken izandakoak ekarri dizkigu. Autogestiaren garrantziaz eta konpartsan antolatutakoaz mintzatu zaigu. Gaurkoan ipuin kontalaria eta bertso saioa izango dute okupazio mugimenduaren eta autogestioaren aldeko konpartsa honen txosnan. https://bilbohiria.com/docs2/2019/AsteNagusia/190822_Komantxe.mp3 Deskargatu hemen.
Mikel Martinez aktorea batu zaigu gaurko saiora. Aste Nagusia nola bizi duen ekarri digu gogora. Lanean dabil Aste Nagusian Mikel Martinez aktore eta tabernaria, rol batean zein bestean, eta gozatzeko aukera ere izaten omen du. Badator Marijaia abestiaren letra “deklamatu” digu. https://bilbohiria.com/docs2/2019/AsteNagusia/190822_MikelMartinez.mp3 Deskargatu hemen.
Gurutze Etxebarria eta Oier Aslak osatzen dute Asla taldea. Sei kantuko bilduma argitaratu berri dute eta formatu akustikoan aurkezten dabiltza lan hori. Oier Asla izan da gurean. Gaztetan Maldan taldean aritu zen, ondoren bertsioak egiten hasi eta 2012tik kantu propioak egiten ibili da. Kontzertu batean Gurutze ezagutu eta elkarrekin abiatu […]
Musika nagusi da Aste Nagusian eta horren isla gaurko saioan izan ditugun musikarien bisita izan da. Saioa bukatzeko Txarli eta Joselu batu zaizkigu eta Amultsuki diskotik bi kantu eskaini dizkigute zuzenean. https://bilbohiria.com/docs2/2019/AsteNagusia/190821_TxarlietaJosdelu.mp3 Deskargatu hemen.
ALGARA konpartsak Ipar Euskal Herriari eskaintzen dion egunean Xabirekin Kaskarotenea ikastolaz jardun gara. Kaskarotenea Ziburuko (Lapurdi) ikastola da. Lau urte daramate bertan zailtasunak zailtasun. Ikastolaren ibilbidea ezagutu dugu eta Ziburu ere. https://bilbohiria.com/docs2/2019/AsteNagusia/190821_Kaskarotenea.mp3 Deskargatu hemen.
Bi konpartsa batu zaizkigu gaurko saioan, Txomin Barullo eta Mekauen!. Lehenengoek aurten antzerki laburren lehiaketa antolatu du eta horren inguruko zehetasunak ekarri dizkigute, gaur gauean eskainiko baitituzte emanaldiak. Bestetik Mekauen! Konpartsa internazionalistaren ordezkariak urtean zehar eta egun hauetan egiten duena azaldu digu. https://bilbohiria.com/docs2/2019/AsteNagusia/190821_Txomineta%20Mekauen.mp3 Deskargatu hemen.
Rafael Moreno Aranzadi Pichichi futbol jokalariaren bizitza eszenatokietara helduko da gaur Patxo Telleriaren zuzendaritzapean, Bilboko Pabellon 6 aretoan. Yo soy Pichichi da obraren izenburua eta bertan aktore lanetan izango dira Itsaso Quintana, Lander Otaola (obraren gidoilaria ere), Ylenia Baglietto (antzezlanaren koreografoa), Iñaki Urrutia, Felipe Loza, Naiel Ibarrola (pianoa) eta Jon Fresko […]
Saioa bukatzeko Zaparrada konpartsako gazteak batu zaizkigu irratira. Gaurkoan ogia egiten ibili dira eta gazteak ogiaren errezeta sekretua ekarri digute irratira. https://bilbohiria.com/docs2/2019/AsteNagusia/190820_Zaparrada.mp3 Deskargatu hemen.
Guztira Bilboko Konpartsak federazioko 28 konpartsek jarri dute aurten txosna jaigunean. Moskotarrak konpartsan Aste Nagusia nola bizi duten azaldu du Iñigok. Tradizio luzeenetakoa duen konpartsetako bat da. Ekitaldi ugari antolatzen dituzte Aste Nagusiak irauten duen bederatzi egunetan. Betiko txapelketekin jarraituko dute: itsusien txapelketa, arrautza jaurtiketa, Erraldoia saria jaiak hobekien ordezkatzen […]